Muhammad al-Xorazmiy (taxminan 780–850) — Xorazmdan chiqqan matematik, astronom va geograf bo‘lib, Bag‘doddagi «Ma’mun akademiyasi»da ishlagan. Uning «Kitob al-jabr» asari matematikaning butun bir bo‘limi — algebraga nom berdi, ismining lotincha shakli esa «algoritm» so‘ziga aylandi. Aynan uning asarlari tufayli Yevropaga biz hozir ham foydalanadigan hind raqamlariga asoslangan o‘nlik sanoq tizimi kirib keldi.